محامي وعندك مشكلة في شراء الكتب القانونية؟.. إليك الحل - محاماة نيوز

محامي وعندك مشكلة في شراء الكتب القانونية؟.. إليك الحل

الزيارات : 337  زائر بتاريخ : 22:16:46 08-11-2019

بقلم/ محمد الصادق المحامي بالاستئناف العالي ومجلس الدولة

 

لو حضرتك رجل قانون وبتقابلك مشكلة في شراء الكتب القانونية، رجاء اقرأ المقال..

 

زملاء  كتير بتحتار فى شراء الكتب ، وبتبقى مش عارفه تشتري لانهى مؤلف ، وبيضطر يشترى اى كتاب يقابله اعتمادا على عنوان الكتاب او على سعره بصرف النظر عن اسم المؤلف أو القيمة العلميه للكتاب.

 

وعلى صفحتى كنت بحاول كل فتره انزل كتاب شايف – من وجهة نظري – انه كتاب مفيد ولازم يكون ضمن مكتبة المحامى.

 

وفى البوست ده بحاول أجمع أهم الكتب القانونية فى بعض أفرع القانون المتداوله فى شغلنا ( المدنى – المرافعات والاثبات والتنفيذ – العقوبات – الاجراءات – الاحوال الشخصيه – الادارى – التجارى ) أما القانون الدولى والبحرى والجوى فأنا غير مطلع عليهم اطلاع كافى يسمح لىّ انى أرشح كتاب دون الآخر.

 

قبل ما نبدأ عايز أقول ملحوظة هامه جدااا : إن الكتب دى تعتبر من أهم الكتب من الناحيه العملية، بمعنى إنك ممكن تعتمد عليها وتشتغل منها قضية عادية زى القضايا اللى بنشتغلها، إنما لو قضية متخصصه جدا يبقى لازم تشتري كتاب متخصص فى هذه المسألة أو رسالة دكتوراة هتكون أكثر تخصصا.

 

يعنى لو عندك قضيه فيها إثبات نسب مثلا، يبقى الأفضل تشترى رسالة دكتوراة (إثبات النسب فى ضوء المعطيات العلمية المعاصرة) للدكتورة عائشة المرزوقى، ولو عندك قضية فيها اعتراف متهم، يبقى الأفضل تشتري رسالة ( اعتراف المتهم ) للدكتور سامى الملا.. لو عندك قضيه تحرش تجيب رسالة (جريمة التحرش الجنسي دراسة مقارنه ) للدكتور السيد عتيق.. وهكذا.

 

(1)

أولاً : فى القانون المدنى:

1- طبعا موسوعه الوسيط للسنهورى لا غنى عنها ، فيه طبعة بيروت القديمه ودى غير منقحه ، وفيه طبعه تنقيح المستشار مصطفى الفقى ، وفيه طبعه تانيه تنقيح المستشار المراغى ، واجمل طبعه وافخمها هى طبعه دار الشروق ، وتقع فى عشره مجلدات ، وسعرها هيزيد على الألف جنيه.

2- المطول فى القانون المدنى ، للمستشار أنور طلبه ، طبعه الازاريطه بالاسكندريه ، ودى كانت فى 14 مجلد ويقال انه زودهم وبقت 15 أو 16 فى طبعتها الجديدة.

 

3- التقنين المدنى للأستاذ كمال عبد العزيز، وده عباره عن مجلد واحد ضخم حوالى 1800 صفحه ، طبعة 2003 ، لكن يدوب شارح حوالى 200 ماده فقط من مواد القانون المدنى وتوفى قبل استكماله، لكن يعتبر من أهم مراجع القضاه. وفيه طبعه قديمه مكونه من جزئين لكن الافضل تشترى المجلد الاحدث لان به زيادات هامه.

 

4- التعليق على القانون المدنى ، للمستشار أنور العمروسى ، فى 8 مجلدات ، وبصراحه أنا مرجعتش ليها كتير فى شغلى لانه ناقل من السنهورى ، فديما برجع للاصل ، لان السنهورى شارح بتوسع اكتر ، لكن ميزة العمروسى انه بيعلق على المتون ، يعنى بيعلق على القانون المدنى ماده ماده ، اما الوسيط للسنهورى فمقسمها موضوعات.

 

5 - موسوعة سليمان مرقص في القانون المدني ، حوالي ١٨ مجلد.

 

وده طبعا خلاف آمهات الكتب الفردية، طبعات قديمة بكبار فقهاء القانون المدني مثال دكتور حسن كيرة أو إسماعيل غانم وغيرهما.

 

(2)

ثانيا: فى الايجارات :-

  1. قانون ايجار الاماكن ، للمستشار عزمى البكرى ، خمسة مجلدات.

2- ايجار الاماكن ، للمستشار مصطفى هرجه ، ثلاثه مجلدات.

3- عقد الإيجار ، للدكتور عبد الناصر العطار، مجلد واحد ضخم.

4- الفسخ والاخلاء ، للمستشار مصطفى هرجه ، أربعه مجلدات.

5- موسوعة الايجارات والإخلاء ، للمستشار محمد ابوالليل في ثلاثه مجلدات.

(3)

ثالثا: فى المرافعات والإثبات والتنفيذ :-

1- موسوعة التعليق على قانون المرافعات ، للدكتور احمد المليجي ، سبعة اجزاء ، من اشهر موسوعات قانون المرافعات وتعتبر مرجع اساسى لمعظم القضاه.

2- تقنين المرافعات ، للأستاذ كمال عبد العزيز، فى مجلدين.

3- التعليق على قانون المرافعات ، للمستشار الدناصورى والأستاذ حامد عكاز وتقع فى اربعة مجلدات.

4- التعليق على قانون المرافعات ، للدكتور أحمد ابو الوفا ، فى مجلد واحد ضخم.

5- المبسوط فى القضاء المدنى للدكتور فتحى والى ، فى مجلدين.

 

◄في الاثبات :-

1- التعليق على قانون الاثبات ، للمستشار الدناصورى والأستاذ حامد عكاز، فى ثلاثه مجلدات.

2- التعليق على قانون الاثبات للدكتور احمد ابو الوفا ،فى مجلد واحد.

3- المرشد فى الاثبات ، للمستشار يحي اسماعيل ، مجلد ضخم

4- التعليق على قانون الاثبات ، للمستشار عزمى البكرى ،فى اربعة مجلدات.

 

◄ فى التنفيذ :-

1- موسوعه التنفيذ ، للدكتور احمد مليجي ، فى ثلاثة مجلدات.

2- التنفيذ للمستشار مصطفى مجدى هرجه ، فى اربعة مجلدات.

3- التنفيذ المدنى والتجارى ، للدكتور احمد ابو الوفا، فى مجلد واحد.

4- التنفيذ للأستاذ محمد على راتب ، فى مجلدين.

 

(4)

رابعا: في العقوبات :-

1- التعليق على قانون العقوبات للمستشار مجدى هرجه ، وتقع فى اربعة مجلدات.

2- موسوعة العقوبات للمستشار ايهاب عبد المطلب ، فى اربعة مجلدات.

3- شرح قانون العقوبات الخاص للدكتور فتحى سرور ، مجلدين.

4- الوسيط فى قانون العقوبات العام ، للدكتور فتحى سرور مجلد واحد.

5- شرح قانون العقوبات الخاص ، للدكتور محمود نجيب حسنى، مجلد واحد ضخم.

6- شرح قانون العقوبات الخاص ، للدكتوره فوزيه عبد الستار، مجلد واحد ضخم.

7- شرح قانون العقوبات الخاص ، للدكتور مأمون سلامه، فى مجلدين.

8- شرح قانون العقوبات الخاص ، للدكتور مدحت سالم ، مجلد واحد.

9- شرح قانون العقوبات الخاص ، للدكتور عمر سالم، مجلد واحد.

10- المرصفاوى فى قانون العقوبات ، للدكتور حسن المرصفاوى، مجلد واحد. وهو عباره عن تعليق على مواد قانون العقوبات بأحكام النقض ويقع فى حوالى ألفين صفحه تقريباً

11- التعليق على قانون العقوبات ، للمستشار هشام الجميلى فى اربعة مجلدات.

12- التعليق على قانون العقوبات ، للمستشار صبرى الراعى ، فى ستة مجلدات.

13- الموسوعه الجنائيه ، للمستشار جندى عبد الملك ، وتقع فى خمسه مجلدات ، والموسوعه دى قديمه تمت كتابتها فى الثلاثينات ، لكن تعتبر من اهم المراجع ، وهو مقسمها ابجديا ، حسب الموضوعات وتشمل عقوبات واجراءات.

14- قانون العقوبات الخاص للدكتور محمود محمود مصطفى ، فى مجلد واحد.

15- قانون العقوبات الخاص للدكتور احمد شوقى ابو خطوه، فى مجلد واحد.

16- قانون العقوبات الخاص للدكتور رؤوف عبيد فى مجلد واحد.

17- قانون العقوبات الخاص للدكتور رمسيس بهنام فى مجلد واحد.

 

(5)

الإجراءات الجنائية :-

1- الاجراءات الجنائيه ، للدكتور مأمون سلامه ، ثلاثة مجلدات.

2- الاجراءات الجنائيه ، للدكتور نبيل مدحت سالم ، ثلاثة مجلدات

3- التعليق على قانون الاجراءات الجنائيه ، للدكتور حامد الشريف ، خمسه مجلدات.

4- المرصفاوى فى قانون الاجراءات الجنائيه ،للدكتور حسن صادق المرصفاوى، وهو عباره عن تعليق على مواد قانون الاجراءات بأحكام النقض ويقع فى حوالى ألفين صفحه تقريباً.

5- الوسيط فى الاجراءات الجنائيه للدكتور احمد فتحى سرور ، فى مجلدين.

6- قانون الاجراءات الجنائيه للدكتور محمود نجيب حسنى فى مجلدين.

7- قانون الاجراءات الجنائيه للدكتوره فوزيه عبد الستار مجلد واحد ضخم.

8- قانون الاجراءات الجنائيه للدكتور عبد الرؤف مهدى مجلد واحد ضخم.

9- قانون الإجراءات الجنائيه للدكتور محمود محمود مصطفى ، فى مجلد واحد.

10- قانون الاجراءات الجنائيه للدكتور رؤوف عبيد فى مجلد واحد.

11- المشكلات العمليه فى قانون الاجراءات الجنائيه للدكتور رؤوف عبيد ، فى مجلدين.

12- قانون الاجراءات الجنائيه للدكتور رمسيس بهنام فى مجلد واحد.

13- التعليق على قانون الاجراءات الجنائيه ، للمستشار مصطفى هرجه ، فى اربع مجلدات.

✳ فى المخدرات :-

1- البراءه والادانه فى قضايا المخدرات ، للمستشار مصطفى هرجه ، فى ثلاثة مجلدات ... وانا عن نفسي بفضل الموسوعه دى جدااا.

2- موسوعه المخدرات ، للمستشار السيد خلف ، فى مجلدين.

٣-المرجع العملي في قضايا المخدرات ، لمحمد ابو شقه ، في مجلد واحد.

4- الدفوع في المخدرات ، لايهاب عبد المطلب ، مجلد واحد.

✳ فى الدفوع الجنائيه :-

1- موسوعة الدفوع الجنائيه للمستشار ايهاب عبد المطلب ، فى اربعه مجلدات.

2- موسوعة الدفوع الجنائيه للمستشار مصطفى هرجه ، فى خمسة مجلدات ( ولو انى لاحظت انه ناقل ما ذكره فى موسوعتيه العقوبات والاجراءات )

3- موسوعة الدفوع للدكتور حامد الشريف وتقع فى ثمانية مجلدات وهى ممتازه جدا.

***

✳ فى الاحوال الشخصيه :-

1- افضل من كتب فى الاحوال الشخصيه بلا منافس هو المستشار اشرف مصطفى كمال ، ولذلك اى كتاب احوال شخصيه تلاقى عليه اسمه اشتريه على طول ، ونادرا لما تلاقى حكم لمحاكم الاسره لا يستعين بأحد مراجع المستشار مصطفى كمال.

2- موسوعة الاحوال الشخصيه لعزمى البكرى ستة مجلدات.

3- أحمد نصر الجندى ليه كتب كويسه فى الاحوال الشخصيه.

***

✳ فى القانون الادارى :-

1- اى كتاب للمستشار الدكتور ماهر ابو العينين ، وليه موسوعة مكونه من ستة مجلدات ، بعنوان الموسوعة الشامله فى القضاء الادارى.

2- مجموعة كتب الدكتور عبد العزيز عبد المنعم خليفه.

3- كتب الدكتور ثروت بدوى

4- كتب الدكتور جابر نصار

5- كتب الدكتور رأفت فوده

6- كتب الدكتور وهيب عياد سلامه

7- المستشار حمدي ياسين عكاشة ، وليه موسوعه ممتازه جداا في المرافعات الاداريه. وليه كتب كتير منفرده في القانون الاداري.

***

✳ فى القانون التجارى :-

1- اى كتاب للدكتور سميحه القليوبى استاذه القانون التجارى فأكيد لا يخلو من فائده وانصحك بشرائه مهما كان ثمنه.

2- كتب الدكتور محمود سمير الشرقاوي

3- كتب الدكتورعلى جمال الدين عوض

4- كتب الدكتور محمد بهجت قايد

5- كتب الدكتور هانى سري الدين

........

بعد ما وصلنا لنهايه البوست ، ضرورى اقول شوية ملاحظات :-

الأولى : ان الكتب دى انا اشتريتها بالفعل وشايف فعلا انها من افضل الكتب اللى بقدر اعتمد عليها من بين مئات الكتب غيرها.

الثانيه : بحر العلم لا شطآن له ، فلا تكتفى بشراء هذه الكتب ، لكن خلينا نقول ان القائمه دى ممكن تكون نواه لمكتبه قانونيه محترمه ، ومع الوقت لازم هتزودها بمئات الكتب غيرهم وغيرهم طبقا لاحتياجاتك.

الثالثه : انا مكتبتش اسعار الكتب لانها فى زياده مستمره ، يعنى مثلا كتاب للدكتور فتحى سرور كنت مشتريه بـ 350 دلوقتى سعره وصل 600 جنيه ، لذلك يفضّل تسأل بنفسك على سعر الكتاب لانى مش عارف سعره دلوقتى وصل كام.

الرابعه : طبيعي ان عدد المجلدات قد يختلف عن المكتوب تبعا لاختلاف الطبعات ، يعنى موسوعه فى اربع مجلدات ممكن يعاد طبعها فى ثمانيه مجلدات.

الخامسه : انا لا امتلك دار نشر ، فطبيعى ان يكون فيه مئات الكتب القيمه لم تصل إلى يدي بعد ، لذلك هذا العرض بمثابه اجتهاد شخصي منى اتمنى من اساتذتى يضيفوا اليه – سواء بالحذف او الإضافه – كل وفق وجهه نظره ، وكذلك انا لم اكتب امهات الكتب الفقهيه ( القديمه ) التي لا يعاد طباعتها ، لانها نادرة الوجود ، فكان كل تركيزي علي الكتب العمليه ، اللي هتفيدنا في الواقع العملي.

السادسه : فيه كتب لا تندرج ضمن الاقسام السابقه ، لذلك مكتبتهاش ، يعنى مثلا زي كتب الصيغ القانونيه ، او كتب فى مذكرات الطعن الجنائي او النقض الجنائى زي موسوعة ابو شقه او رجائي عطية ، او كتب بتتحدث عن عظمه المحاماه ... كل الكتب دى لم اذكرها لعدم الاطاله ، ولأنى اعتقد انها بتقل فى الاولويه عن الكتب اللى ذكرتها بعاليه لانها بتكون متخصصه فى مسائل معينه ، وعموما ممكن نخصص ليها بوست تانى لاحقا باذن الله تعالى.

 

واعيد واكرر ان ده مجرد اجتهاد شخصي منى لزملائي ، واتمنى من اساتذتي يضيفوا اسماء الكتب القيّمه التى ربما اكون قد اغفلتها - سهوا منى - حتى تعم الفائده.

عفوا ......
لايوجد تعليقات مسجله حاليا لهذا المحتوى