وائل نجم يكتب: التنقية مطلب المحامين لكن بالقانون - محاماة نيوز

وائل نجم يكتب: التنقية مطلب المحامين لكن بالقانون

بقلم : وائل نجم الزيارات : 5073  زائر بتاريخ : 01-12-2017

نعلم جميعا جيدا كمحامين أن نقيب المحامين نفذ حكم القضاء قبل صدوره بمناورة جديدة بضوابط ٢٠١٨، ولكن لماذا المناورة بالمحامين المشتغلين ضحية معاركك الانتخابية، فنحن لا نختلف فى موضوع التنقية، بل نطالب بها طوال عملنا النقابي لأنه من المصلحة أن لا يحمل كارنيه المحاماه إلا من يمارسها.

 

من المصلحة أألا يحمل كارنيه نقابة المحامين إلا محام، أولا علشان الخدمات تبقى ليه، محدش رافض التنقية لكن رفضنا كيفية تطبيقها، وهناك استثناءات يجب وضعها فى الاعتبار من حالات مرضى وحوامل وأسباب أخرى.

 

كلنا كمشتغلين نتمنى رعاية واهتمام فى مهنتنا لأننا أصحاب الملفات الحقيقيه ولا مانع لدينا من التنقيه ولكن هناك من هم مقيدين الحريه ومازال محامى بكارنيه وهناك محامين للأسف يسيؤء للمهنه ومازال مقيدين التنقيه لها أسس يجب أن تتبع، لكن إزاى .

 

احنا مختلفين على ازااااى بس.. ومش مختلفين على المبدأ ( مبداء التنقية احنا موافقين عليه) انا مع التنقيه بس ،،عند صدور أشتراطات التجديد لم يتم النظر لقانون المحاماه.

ازااااااااى .. نقول

القانون ارسى مبادىء اهدارها 16 سنة نقيب المحامين وهو نقيب يعتلى سدة الهرم الادارى لنقابة المحامين ايضا كان عضو بالنقابة العامة 15 سنة وكانت له نفوذ بل النقيب كان حريصا على ان ينجح باصوات غير المشتغلين ودى معروفة فى اوساط المحامين

يبقى لابد ان يشكك الجميع فى نواياه

والمحامون مختلفين على ايه الوسيلة ازاى

والقانون حدد هذه الوسائل

اولا عبء الاثبات عليه كنقابة مش على المحامى

فيه شروط ادرجتها النقابة والقانون وتقدم المحامى واتقبل على هذه الشروط اما بيقيد جزئى خلاص فله سنتين عشان ينتقل للابتدائى وهنا القانون اداله مساحة يثبت انه كان بيمارس المهنة ويقدم مستندات عند القيد

والمادة 35 من قانون المحاماة بالذات عند القيد فى جدول الاستئناف اعطت لجنة القبول صلاحيات واسعة فى التاكد من ان المحامى ده فعلا له صلاحية ان يقيد فى جدول الاستئناف ولا – لاء لدرجة انها تستجوبه يعنى تناقشه شفاهة – بمايعنى ان القانون اعطى لاعضاء لجنة القبول انهم يناقشوا المحامى الابتدائى اللى هيقيد استئناف انها تسئله اسئلة وتناقشه زائد انه يقدم عرايض ومذكرات

والنقض محكمة النقض هى اللى بتراقب هنا ليس للنقيب ان يتدخل

 

ولو النقيب مهتم بالمهنة سهل جدا انه يراقب الحاجات دى فى مواعيدها

والشروط التى وضعها النقيب - القانون لم يشترطها شروط مش فى القانون

واحنا نقابة قانون

وده تشريع محكمة النقض فى الطعون وقالته فى احكام كثيرة

قالت العبرة القيد فى جدول المحامين شرط لممارسة المهنة لانه ليس كل حاصل على ليسانس حقوق محامى

يبقى اللى يمارس مهنة المحاماة هو اللى توافرت فيه الشروط الخاصة بالمادة 13 اصبح مهىء لممارسة مهنة المحاماة لاكن الاشتغال ليس شرطا لاستمرار القيد (محكمة النقض هى اللى قالت كده) الحكمة الادارية العليا قالت كده

قسم الفتوى والتشريع فى فتوى شهيرة قالت كده

والدليل ان الكلام ده كله طرح على محكمة القضاء الادارى بمناسبة القرار اللى طلعه النقيب السنة اللى فاتت

محكمة القضاء الادارى اوقفته وهو مااحترمش حكم محكمة القضاء الادارى

فالبتالى نقيب المحامين لايحترم القانون ونحن نقابة القانون

لم يقدم المجلس الموقر اى ميزة او خدمه جديدة او تحسين اوضاعنا كمشتغلين بعد اصدار المجلس لكل تلك القرارات ولو احس المحامى المهنى المشتغل بجدية تلك القرارات لكنا لكم سندا وعون .

بل تمادت تلك القرارات لتضعنا على رصيف الخوف بشأن المعاش والعلاج .

المجلس العام اثقل كاهلنا وافقدنا الثقة فى حياديته

هو من ضمن التنقية يانقيب المحامين

انك تبهدلني و تقولي هاتلي شهادة تحركات من عشر سنين

النقابة لو جادة في التنقية عندها من الامكانيات ما يوفر لها البحث في المشتغل من غير المشتغل

ثانيا هي ليه النقابة بتعاملنا بمبدأ المتهم اللي هو مدان بالجريمة و عليه اثبات براءته

-------------------

أحلت معظم المعارضين وشيوخ المهنه الي التأديب وهي سابقة لم ولن تحدث في تاريخ نقابة المحامين

ليه اللى له وجهة نظر تحوله لعدو وبتحيل الناس للتاديب المخالفين ليك فى الراى

يانقيب طول عمر نقابة المحامين فيها اختلافات حادة

عمر ماحصل الكم ده فى الاحالات للتاديب ولا اتحال حد للتاديب

دا فيه وقائع جزم طارت قبل كده فى نقابة المحامين سنة 85 فى واقعة شهيرة واتلمت داخليا -  ليه تحيل الخصوم بتوعك اللى بيعارضوك -  وبعدين دى حاجات نقابية

ليه تحيلهم للتاديب -  ليه انت مش متحمل الرأي والرأي الاخر

وفى الختام أتوجه بطلب للنقيب سا مح عاشور ان يدعو الجميع للمناقشه وابداء الرؤى داخل نقابتنا ونطرح جانبا اى خلافات انتخابيه سابقه حتى يشعر الجميع بنقيب للجميع

 

عفوا ......
لايوجد تعليقات مسجله حاليا لهذا المحتوى